“Çfarë morali ke o patriot i madh”?! Spahiu përplaset me Miçon

Çështja e minoritetit grek në Himarë përplasi zv.kryetarin e Partisë Agrare Ambientaliste, Thoma Miço, dhe juristin Kreshnik Spahiu.

Spahiu i kërkoi Miços t’i tregonte se sa mijë grekë dolën në censusin e parë, gjë që solli dhe reagimin e Miços.

Ky i fundit iu përgjigj juristit se minoriteti nuk kishte marrë pjesë se nuk ishin vënë kriteret ose ishin ndërruar në momentin e fundit nga “iniciativa juaj e patriotit që e do shumë Shqipërinë”.

“Ja ku e provuat që me faktet që paraqita atëherë u ndryshua që censusi të mos bëhej mbi këto baza”, tha Spahiu.

“Ke qenë kreu i Këshillit të Lartë të Drejtësisë, i ke bërë patriotë të mëdhenj ata gjyqtarët e Sarandës dhe Gjirokastrës që vinin kombësi sipas qejfit. Na gjykojnë ata që na dëgjojnë kush është patriot, patriotizmi juaj është arkaik, jeni patriot arkaik”, u përgjigj Miço.

LEXONI GJITHASHTU:

• Spahiu: S’ka minoritet grek, janë emigrantë të ardhur tek gjyshërit tanë
• Barka: Si e luftoi Enver Hoxha në ekstrem helenizmin dhe grekët në Jug