Gjiknuri zbulon se si PS do të zgjedhë kandidatët për zgjedhjet lokale

Sekretari i Përgjithshëm i Partisë Socialiste, Damian Gjiknuri, thotë se kandidatët e kësaj force politike për zgjedhjet e ardhshme lokale, që do të zhvillohen më 14 maj të vitit të arshshëm, do t’i nënshtrohen një procesi konsultimi brenda partisë por edhe jashtë saj.

Gjatë bashkëbisedimit me gazetarët, Gjiknuri tha se deputeti socialist Benet Beci është një kandidaturë mjaft e mirë për Shkodrën, por nënvizoi se për këtë duhet të zhvillohen konsultime.

“Natyrshëm që mund të ketë shumë deputetë të cilët do të dëshironin të kandidonin për kryetarë bashkie, nuk ka asgjë të keqe. Përgjithësisht, qasja jonë ka qenë që deputetët të kryejnë punën e tyre si deputetë, por edhe Beneti është një kandidaturë jashtëzakonisht e mirë, një kandidaturë që do t’i bënte nder Shkodrës.

Me këtë nuk konfirmoj që do të jetë Beneti sepse ai, si shumë kandidatë të tjerë, do t’i nënshtrohet një procesi konsultues brenda partisë, përtej partisë me qytetarët e Shkodrës, me opinionet për të parë edhe shanset se sa të mëdha i ka për t’u zgjedhur apo për të bërë edhe një garë dinjitoze për Partinë Socialiste”, theksoi ai.

LEXONI GJITHASHTU

• Gjiknuri: Avokati i Popullit duhet të jetë një figurë konsensuale dhe jo politike
• S’ka lënë gjyq pa humbur me PS, Rama: S’e votojmë emrin e PD për Avokat të Popullit
• Avokati i ri i Popullit, deputetët e PD-së mbështesin vetëm një emër