Kur do i zyrtarizojë PS kandidatët e zgjedhjeve të 14 majit? Përgjigjet Gjiknuri

Sekretari i Përgjithshëm i PS-së Damian Gjiknuri tha se shumë shpejt kryesia e PS do të miratojë një udhëzim, që do të zbatohet nga strukturat e partisë, në lidhje me kandidatët për kryetarë të bashkive, zgjedhje të cilat do të zhvillohen më 14 maj.

Në një komunikim me gazetarët, Gjiknuri theksoi se do të vazhdojnë traditën e konsultimeve me strukturat e partisë, ndërsa shtoi se do të zhvillohet edhe një sondazh me qytetarët për të marrë mendimet e këtyre të fundit.

“Në fakt shumë shpejt kryesia e PS do të miratojë edhe një udhëzim që do të jetë pjesë e një procesi që do të zbatohet në të gjithë strukturat e partisë, që ka të bëjë me konsultimet qoftë për kandidatët për kryetarë bashkie qoftë edhe për listat e këshilltarëve.

Së pari, ne do të vazhdojmë traditën e konsultimeve me strukturat e partisë dhe përtej strukturave të partisë; dhe një alternativë tjetër do të jetë sondazhi për të marrë mendimin e qytetarëve. Na duhet një kandidat që është përtej grupimit partiak. Nga kjo pikëpamje PS ka zgjedhur këtë strategji dhe do t’i shkojmë deri në fund”- theksoi Gjiknuri.

LEXONI GJITHASHTU: 

• Gjiknuri: Avokati i Popullit duhet të jetë një figurë konsensuale dhe jo politike
• ‘Reciprocitet me Greqinë’, Qafoku: Ç’do ndodhte nëse Rama do shkonte në Çamëri?
• Sonila Qato paraqitet në Gjykatën e Posaçme