Habit gazetari: Pse Shqipëria ka çmimin më të ulët të karburantit në rajon

Gazetari Bardh Sejdarasi deklaroi se Shqipëria ka çmimin më të ulët të karburantit në rajon.

Në emisionin “Now” në Euronews Albania, Sejdarasi nënvizoi se çmimi aktual është për shkak të taksave dhe tatimeve që vendos shteti, të cilat janë të ndryshme nga vendet e rajonit.

“Çmimi i naftës ka disa indikatorë. Nuk është indikatori që raportojnë të gjithë gazetarët që janë të paditur, injorantë. Nuk ka çmim naftë që lidhet me bursën e Londrës apo të Nju Jorkut. Çmimi i naftës në Shqipëri është çmimi që ka Platz i Mesdheut, është çmimi me të cilin furnizohen operatorët shqiptarë në Mesdhe. Nuk është dollar/fuçi, por është dollar/ton.

Mbi këtë bazë, kushdo të shkojë te Petrolifera, të marrë çmimin që është zhdoganuar, t’i shtojë këtij çmimi të tërë sistemin e taksave dhe tarifave që ka ky litër karburant. Nëse Shqipëria, Kosova, Mali i Zi, Maqedonia e Veriut, i vëmë në bazë të njëjtë çmimet e karburanteve, Shqipëria ka çmimin më të lirë të karburanteve në rajon. Nëse Shqipëria shton sistemin e tatimeve dhe taksave që është i ndryshëm nga të tjerët, atëherë do dalë ky çmim që është “, theksoi ai.

LEXONI GJITHASHTU

• Malaj: Pse duhet reformë për rritjen ekonomike dhe barrat e rënda për qytetarët
• Eksperti i PD-së: Pse dështoi ekonomia shqiptare
• Do iki me gomone drejt Londrës, kam paguar 20 mijë paund, thotë i riu