Përfaqësuesi i biznesit: Të thuash s’ka vende pune është hipokrizi

Përfaqësuesi i biznesit fason, Florian Zekja deklaroi se është hipokrizi të thuash që në Shqipëri nuk ka vende pune dhe ka varfëri.

Në emisionin “Now” në Euronews Albania, Zekja u shpreh se ndoshta njerëzit nuk dinë të punojnë, por punë ka.

“Nuk ka lidhje, Shqipëria 2 milionë është. Jo jo, të thuash që në Shqipëri nuk ka vende pune është hipokrizi. Të thuash që nuk ka fuqi punëtore është budallallëk. Kush thotë që ka varfëri, është budallallëk. Varfëri? Varfëri ka në të gjithë botën.

Ato statistika që një shqiptar jeton me 5 dollar në ditë, janë hiprokizi që i dimë të gjithë. Të thuash që në Shqipëri nuk ka punë, është budallallëk. Nuk di të punosh, nuk ka aftësi të punosh, por të thuash që nuk ka punë”, theksoi ai.

LEXONI GJITHASHTU

• Përfaqësuesi i biznesit fason: Po marrim punëtorë në Filipine
• Habit gazetari: Pse Shqipëria ka çmimin më të ulët të karburantit në rajon
• Malaj: Pse duhet reformë për rritjen ekonomike dhe barrat e rënda për qytetarët