‘Beteja’ finale Kosovë-Serbi, tensionet nuk e favorizojnë Kosovën

Muhamet Hajrullah, kryeredaktor i gazetës Telegraf tha në një intervistë për Euronews Albania se tensioni i krijuar në Veri nuk është në favor të Kosovës.

Hajrullah u shpreh se kjo situatë e dëmton imazhin e Kosovës në arenën ndërkombëtarë dhe në synimet e saj për liberalizimin e vizave apo anëtarësimin në organizata ndërkombëtare.

“Kjo situatë nuk i ndihmon as imazhit të brendshëm pasi vëmendja është e përqendruar në Veri. Pritet një shtim i presionit ndaj qeverisë për asosacionin e komunave serbe. Ajo që nuk duhet ta bëjë Kosova është krijimi i një modeli të republika Srpska në Kosovë. Një autonomi që do të rrezikojë sovranitetin e saj, një model i tillë do ishte i dëmshëm për Kosovën. Por marrëveshja për asosacionin është marrëveshje e nënshkruar dhe Kosova ka marrë zotimin e saj, pritet cila do të jetë lëvizja e Kurtit”, tha Hajrullah.

LEXONI GJITHASHTU:

• Protestë në mbështetje të Kosovës para ambasadës serbe në Tiranë
• Policia: Grupet kriminale vendosën edhe dy barrikada gjatë natës në veri