Tuneli i Llogarasë drejt fundit, Balluku: 500 metrat e fundit për t’u gërmuar

90% e punës për të hapur tunelin e Llogarasë është kryer këto 13 muaj dhe hapja e plotë pritet të bëhet brenda muajit shkurt. Kantierin në ndërtim, i cili është pjesë e rrugës Orikum-Palasë e ka inspektuar këtë fundvit, ministrja e Infrastrukturës, Belinda Balluku.

Për ministren Balluku, ndërtimi i rrugës Orikum-Palasë, do të sjellë lehtësi qarkullimi për turistët që vizitojnë jugun, banorët e zonës dhe lidhjen me aeroportin e Vlorës.

“Gjatë sezonit veror nuk kemi më automjete të rënda që të bllokojnë trafikun. Ky është tuneli që ishte kthyer në një ëndërr për të gjithë shqiptarët, për të gjithë investitorët që kanë investuar në Jug, për të gjithë turistët për të cilët Qafa e Llogarasë ishte kthyer në një sfidë. Do jetë një arritje e madhe për zhvillimin ekonomik të jugut të Shqipërisë”, tha ministrja Balluku.

Tuneli i Llogarasë nuk ka hapur probleme madhore në hapjen e tij, për shkak të përbërjes gjeologjike të tokës, në të cilën gërmimet avancojnë me 20 metra çdo ditë.

LEXONI GJITHASHTU:

• FOTO/ Mjegulla mbulon Llogaranë, probleme në lëvizjen e mjeteve
• Punimet në Tunelin e Llogarasë hasin në shpella karstike, mbi 3 km të hapura