Pse Kurti dhe Vuçiç nuk e duan marrëveshjen finale? Flet ish-ministri Çollaku

Ish-ministri i Integrimit Evropian të Kosovës, Bekim Çollaku thotë se kryeministri i Kosovës, Albin Kurti dhe presidenti i Serbisë, Aleksandër Vuçiç nuk e duan marrëveshjen finale.

Në emisionin “Balkan Talks” në Euronews Albania, Çollaku u shpreh se me një situatë të tillë si ajo aktualja, Kurti dhe Vuçiç mobilizojnë elektoratet e tyre.

“Barrikada të tilla ka pasur në të kaluarën dhe ato janë hequr. Tani, ato janë rivendosur përsëri dhe jam i sigurt që këto barrikada do të hiqen së shpejti. Nuk ka rëndësi a do t’i heqë KFOR-i apo qeveria e Republikës së Kosovës. Problemi mbetet te gjetja e zgjidhjes së përhershme mes Kosovës dhe Serbisë. Fatkeqësisht, sot në Kosovë kemi një lider i cili nuk është i interesuar që të bëjë një marrëveshje përfundimtare me Serbinë.

Po ashtu, presidenti Vuçiç nuk është i interesuar që të bëjë një marrëveshje përfundimtare me Kosovën. Presidentit Vuçiç i shkon përshtat që të ketë tensione të tilla, sepse e mban elektoratin e vet të unifikuar rreth kauzës së tij. Edhe kryeministrit Kurti i shkon përshtat një situatë e tillë, sepse e mobilizon elektoratin e tij. Në Kosovë, kur është në pyetje Veriu dhe integriteti i Kosovës, nuk ka parti, por një unifikim të plotë, theksoi ai.

LEXONI GJITHASHTU

• ‘Jemi të shqetësuar’, Xhaçka: Barrikadat në Veri u ngritën nga një grup kriminelësh
• Ish-ambasadori: Vuçiç, i ‘llastuari’ i Perëndimit dhe i ‘birësuari’ i Lindjes
• Tensione në Veri, Vuçiç: Jemi duke bërë gjithçka për të ruajtur paqen e stabilitetin