Zarf me barut dhe mesazh kërcënues, arrestohet 24-vjeçari për kanosje

Një 24-vjeçar në qytetin e Bulqizës ka rënë në prangat e policisë pasi hodhi pranë banesës së një shtetasi, një zarf me barut në brendësi dhe një letër me mesazh kërcënues për jetën.

Në cilësinë e provës materiale u sekuestrua zarfi me barut dhe letra me mesazhin kërcënues.

Grupi hetimor po vijon punën për zbardhjen e motivit të ngjarjes dhe dokumentimin e plotë ligjor të saj.

Materialet në ngarkim të 24-vjeçarit i kaluan Prokurorisë së Dibrës, për veprat penale “Kanosja” dhe “Mbajtja pa leje dhe prodhimi i armëve shpërthyese dhe i municionit

“Specialistët për Hetimin e Krimeve të Komisariatit të Policisë Bulqizë, menjëherë pas marrjes së njoftimit se pranë banesës së një 57-vjeçari, në fshatin Zogaj, ishte hedhur një zarf me barut në brendësi dhe një letër me mesazh kërcënues për jetën, kanë organizuar punën për zbardhjen e ngjarjes, identifikimin dhe kapjen e autorit.

Si rezultat i veprimeve të shpejta dhe profesionale nga Policia, në kuadër të operacionit policor të koduar “Zogaj”, u bë i mundur identifikimi, kapja dhe arrestimi në flagrancë i shtetasit R. M., 24 vjeç, banues në Shupenzë (i dënuar më parë për veprën penale “Dhunë në familje”).

Nga veprimet e para hetimore dyshohet se 24-vjeçari ka hedhur në oborrin e banesës së shtetasit N. Ll., 57 vjeç, një zarf me një sasi të vogël pluhur baruti në brendësi dhe një letër me mesazh kërcënues për jetën”, thuhet në njoftimin e policisë.

LEXO GJITHASHTU:

• Tentoi të pengonte protestën e punonjësve, pezullohet aktiviteti i biznesit
• Arma gati për qitje| I arrestuar më herët për vrasje, në pranga 49-vjeçari