Mbretëria e Bashkuar do të dërgojë tanke Challenger 2 në Ukrainë

Britania e Madhe do të dërgojë në Ukrainë tanke të llojit Challenger 2, në një përpjekje për të forcuar kapacitetet e vendit që ndodhet nën agresionin rus.

Lajmi u konfirmua këtë të shtunë gjatë një bisede telefonike që kryeministri britanik Rishi Sunak pati me presidentin Zelensky.

Doëning Street tha se masa tregon “ambicien e Mbretërisë së Bashkuar për të intensifikuar mbështetjen ndaj Kievit”.

Presidenti Zelensky ka falënderuar Mbretërinë e Bashkuar, duke thënë se vendimi për dërgimin e tankeve “jo vetëm që do t’i bëjë më të fortë në fushën e betejës, por gjithashtu do tëdërgojë sinjalin e duhur për partnerët e tjerë”.

Ai tha se mbështetja e Mbretërisë së Bashkuar ka qenë “gjithmonë e fortë” dhe “tani e padepërtueshme”.

• LEXONI GJITHASHTU:
  • Rusia pretendon se ka marrë kontrollin e qytetit të minierës së kripës Soledar
  • Çfarë po planifikon NATO? Avionët e zbulimit zhvendosen në Rumani
  • Rusia nis sulme masive me raketa, sirenat e alarmit bien në të gjithë Ukrainën