Çfarë po ndodh në Shkodër? Gazetari tregon se si po triumfon krimi

Gazetari Poli Hoxha tha në një intervistë për Euronews Albania se në Shkodër është duke triumfuar krimi.

Sipas tij policia nuk ka kontrollin e mjaftueshëm në qytet.

“Unë mendoj që sistemi i kamerave është një gjë shumë e mirë dhe nuk është marrë asnjëherë seriozisht nga shteti. Po të shikojmë përgjithësisht, edhe kur ka ngjarje, edhe kur ka vjedhje pamjet dalin nga biznesi. Është vetë biznesi që në mënyrë spontane ka marrë masa, qoftë edhe banorët nëpër pallate i kanë instaluar vetë,” – u shpreh Hoxha.

Gazetari theksoi se problematike është kur kamerat vendoset nga krimi i organizuar, referuar këtu çmontimit të 21 kamerave këtë të shtunë të vendosura në shtyllat elektrike, në rrugë, për të mbledhur informacion, për qëllime kriminale.

Hoxha tha se kjo çështje është tregues i zbythjes së shtetit, duke marrë në konsideratë që hetimet nuk u thelluan për të zbuluar se ku u mor leja për vendosjen e kamerave apo kush i shihte pamjet e këtyre kamerave.

LEXONI GJITHASHTU:

• Policia apo bashkia? Eksperti zbulon kush dha leje për vendosjen e kamerave
• Eksperti: Të hetohet ku janë blerë kamerat që vendosën kriminelët në Shkodër