Dibra: Kalimi i Çelës në PS s’ishte surprizë, ka marrëdhënie miqësore me Ramën

Analistja Bruna Dibra është shprehur se kalimi i Agron Çelës nga Partia e Lirisë në Partinë Socialiste nuk ka qenë surprizë në Shkodër.

Në një intervistë për Euroneës Albania ajo tha se Çela shpeshherë ka mbështetur nismat e marra nga të PS, ndërsa theksoi se kreu i qeverisë Rama sa herë që vizitonte Shkodrën vizitonte bizneset e deputetit.

“Nëse marrim llogaritjen e votave, pavarësisht se Shkodra është një baston i djathtë apo Bashkia e Shkodrës qeveriset nga e djathta, në 2013 ne shohim se ka një kthesë përsa i përket dhe votave të shkodranëve për partitë e majta. Kalimi i Çelës në PS për ne në Shkodër nuk ka qenë surprizë.

Deputeti Çela edhe pse ishte në grupin parlamentar të PL shumë herë ka qenë besnik ndaj nismave ligjore që PS ka marrë në Kuvend. Ne e dinim që marrëdhënia mes Ramës e Çelës ishte miqësore. Rama kur vinte në Shkodër vizitonte  bizneset e familjes së Çelës. Spahia nuk respektoj marrëveshjen me Çelën”- tha ajo.

LEXONI GJITHASHTU: 

• Ramën apo Berishën, kë do mbështesë Tom Doshi në Shkodër?
• “Tentuan të ‘hiqnin qafe’ rivalët”- Arrestohen në Spanjë bosët e bandës në Shqipëri
• A do t’i hiqet mandati Olta Xhaçkës? Logu: Kërkesa e PD-së, brenda afateve ligjore