A do t’i hiqet mandati Olta Xhaçkës? Logu: Kërkesa e PD-së, brenda afateve ligjore

Avokati Marash Logu thotë se kërkesa e disa deputetëve të Partisë Demokratike për  heqjen e mandatit të Olta Xhaçkës, është dorëzuar në Gjykatën Kushtetuese brenda afateve ligjore.

Në një intervistë për Euronews Albania, Logu u shpreh se respektimi i afateve, nuk është detyrëve e kërkuesve, në këtë rast, deputetëve të PD-së.

Sipas tij, ministrja Xhaçka ka përfituar drejtpëdrejt nga fondet publike, pasi bashkëshorti i tij është shpallur investitor strategjik.

“Afati për kërkesën që ne kemi drejtuar ditën e djeshme, ka qenë 6 muaj nga momenti që lind konlfikti ndërmjet deputetëve dhe Kuvendit të Shqipërisë. Ne nuk kemi pritur 6 muaj, por të nesërmen që është marrë vendimi, pra, vendimi është marrë në datën 27 nëntor, të nesërmen, me datë 28 i jemi drejtuar Gjykatës Kushtetuese, vetëm një ditë më pas. Nuk besoj se në këtë rast, kemi të bëjmë me një afat.

Nga ana tjetër, respektimi i afateve dhe procedurave nuk është detyrë e kërkuesve, nuk është detyrë e deputetëvetë PD-së, por e institicioneve, veçanërisht e Kryetares së Kuvendit. Nëse dikush duhet të mbahet në përgjegjësi se kush ka zvarritur procedurat, është pikërisht që t’i shma nget gjykimit të Gjykatës Kushtetuese”, theksoi ai.