Borrell: Disa vende evropiane, të gatshme të dërgojnë tanke të rënda në Ukrainë 

Përfaqësuesi i Lartë i BE-së për Politikë të Jashtme dhe Siguri, Joseph Borrell, tha sot në Madrid se disa vende evropiane janë të gatshme të dërgojnë tanke të rënda në Ukrainë.

Udhëheqësit e NATO-s dhe të mbrojtjes nga rreth 50 vende takohen sot në Ramstein dhe fokusi kryesor i bisedimeve do të jetë nëse Gjermania do të lejojë dërgimin e tankeve Leopard 2 të përdorura nga ushtritë në të gjithë Evropën në Ukrainë.

Borrell tha se do të diskutohet sot në Ramstein, ku do të marrin pjesë edhe vendet e BE-së. Ai vuri në dukje se Ukraina duhet të marrë ndihmë me armë, jo vetëm për të zmbrapsur sulmet ruse, por edhe për të rimarrë territoret e pushtuara, raportoi Reuters.

Ukraina njoftoi se pret që vendimet e NATO-s dhe vendeve të tjera në mbledhjen e sotme të dërgojnë ndihma të mëdha ushtarake. Megjithatë, ministrja spanjolle e Mbrojtjes Margarita Robles, e cila nuk po merr pjesë në bisedimet në Ramstein, u tha gazetarëve se ajo nuk pret që në takim të merret ndonjë vendim politik për dërgimin e tankeve në Ukrainë.

LEXONI GJITHASHTU:

• Borrell telefonatë me Blinken, temë diskutimi edhe Ballkani Perëndimor
• Borrell: Në 2022-shin, bota u bë një vend më i keq për të jetuar