“Gjuhë ksenofobe ndaj shqiptarëve”, Osmani: Ministri të mbajë përgjegjësi

Eksperti i marrëdhënieve ndërkombëtare, Kreshnik Osmani, në një intervistë për Euronews Albania e cilësoi kriminale dhe ksenofobe gjuhën e ministrit britanik të emigracionit ndaj shqiptarëve.

Sipas Osmanit, nga të dyja vendet duhen bërë përpjekje maksimale për të kuptuar momentin historik kur ndodh kjo valë emigrantësh.

“Deklaratat janë të papranueshme dhe të refuzueshme. Ambasadori britanik në Tiranë tha se duhet të mirëkuptojmë kontekstin e deklaratës së ministrit. Por, edhe pse tifozët britanikë janë huliganë dhe më problematikët në botë, askush nuk iu drejtohet atyre si kriminelë. Britanikët janë në të drejtën e tyre për të mbrojtur vendin nga çdo kontingjent kriminal. Ne s’mund t’i përgjigjemi një kontingjenti të tillë me gjuhë kriminale, ksenofobe, raciste që nuk është e pranueshme”, tha Osmani.

LEXONI GJITHASHTU:

• Ish-ambasadori: Britanikët po ndiejnë përbuzje ndaj qeverisë shqiptare
• Ironizon Shehi: Ne jemi nipat e Skënderbeut, s’na ofendon dot ministrja britanike