Izolimi dhe maskat dobësuan sistemin imunitar, thotë mjeku Domi

Mjeku Arban Domi deklaroi se izolimi dhe përdorimi i maskave për shkak të COVID-it, dobësuan sistemin imunitar të njerëzve.

Në një intervistë për Euronews Albania, Domi e konsideroi normale praninë e gripit stinor apo të virusit RSV, pasi është periudha ku virozat prekin popullatën.

“Është normale, është periudha kur të gjitha këto viroza prekin popullatën. Në Shqipëri, ka një rritje veçanërisht të lartë te fëmijët, që mund të jenë raste gripi, por ndoshta një numër shumë i lartë mund të jetë edhe RSV, që është normale për kushtet aktuale.

Çështja është që kemi një mbivendosje për një periudhë 1 ose 2 javore, mbi numrat  normal që lidhet me periudhën e gjatë të COVID-it. Jo me praninë e virusit në vetvete, por me masat që u morën. Për shkak se izolimi, përdorimi i maskave ka bërë që sistemi imunitar të dobësohet.”, thesoi ai.

LEXONI GJITHASHTU

• Mjeku Alimehmeti: Rastet me COVID, më të pakta se të gripit stinor

• Fluks virozash në spitalin e Vlorës, mjekët: Ja kur pritet kulmi i gripit

• ‘Gripi prek rrugët e frymëmarrjes’, afro 120 raste në ditë në spitalin e Shkodrës