“Mbi 30 mijë euro kostoja e një shtëpie bari”, Softa: Jo çdo njeri mund të kultivojë

Eksperti i sigurisë Fatjon Softa tha se kostoja e një shtëpie bari është e konsiderueshme, pasi bima narkotike në ambient të mbyllur kërkon kushte specifike për t’u kultivuar.

Duke komentuar zbulimin më të fundit të një shtëpie bari në Shijak ku u gjet dhe një arsenal armësh, Softa u shpreh se këto të fundit do të jenë pjesë e hetimit pasi mund të jenë përdorur në ngjarje të tjera kriminale.

“Këto investime janë të mëdha, janë aspiratorët, llambat që shkojnë mbi 30 mijë euro. E dyta është gjetja e armatimit që do të jenë pjesë e hetimit, pasi gjurmët e gjetura në këto armë apo në jelekët antiplumb mund të krahasohen me gjurmët e gjetura në ngjarje të tjera dhe mund të hedhin dritë në ngjarje të tjera kriminale. Duhet të merremi me rrënjët e krimit, sepse nuk është zgjidhje vetëm kapja  e këtyre rasteve, por aktiviteti kriminal; cilat janë grupet me të cilat bashkëpunonin dhe ku do ta çonin lëndën narkotike”, tha Softa.

LEXONI GJITHASHTU:

• “Shtëpi bari” me vlerë mijëra paund, arrestohet 31-vjeçari shqiptar në Britani
• EKSKLUZIVE | Euronews Albania brenda shtëpisë së barit në Shijak, detajet