EKSKLUZIVE | Euronews Albania brenda shtëpisë së barit në Shijak, detajet

Gazetarja Kloida Gjuzi ka qenë në shtëpinë katërkatëshe në Sallmone të Shijakut ku ditën e sotme u gjetën dhe u sekuestruan 444 bimë kanabis.

Ajo bëri me dije se informacionet për ‘shtëpinë e barit’ janë marrë në rrugë operative.

Shtëpia në pronësi të dy vëllezërve Fredi Krasniqi dhe Selman Krasniqi, është katërkatëshe, ku në dy katet e fundit ishte mbjellë në kova dhe lënda narkotike kanabis.

Kati i dytë ishte i banueshëm nga vëllezërit dhe familjet e tyre ndërsa kati i parë bëhet me dije se ishte bosh.

Në kuadër të operacionit të koduar  “Krahët e krimit”, u vu në pranga shtetasi Fredi Krasniqi dhe u shpall në kërkim vëllai i tij, shtetasi Selman Krasniqi.

Shërbimet e Policisë konstatuan se kati i tretë dhe i katërt i banesës së dy vëllezërve, ishte përshtatur për kultivimin e bimëve narkotike, me anë të llambave. Gjatë kontrollit në këto dy kate, u gjetën dhe u sekuestruan 444 bimë narkotike kanabis, 222 llamba elektrike dhe pajisje të tjera  që shërbenin për kultivimin e bimëve narkotike.

Si rezultat i kontrollove të shtuara, në një ambient me mur të dyfishtë, në këtë banesë, është gjetur i fshehur një arsenal armësh, i përbërë nga 10 kallashnikovë, 1 pushkë, 1 automatik shars, granata dore, një hark luftarak, një jelek antiplumb, një palë dylbi dhe municion luftarak që u sekuestruan në cilësinë e provës materiale.

Armët e sekuestruara do të dërgohen në Institutin e Policisë Shkencore, për të përcaktuar nëse janë përdorur për ngjarje kriminale të ndodhura më parë.

Po nga hetimet, dyshohet se edhe kultivimi i bimëve narkotike mund të jetë financuar nga pjesëtarë të grupeve kriminale.

Nuk dihet nëse ka persona të tjerë të përfshirë  persona të tjerë të implikuar në këtë aktivitet.

LEXONI GJITHASHTU: 

• Grabitet gruaja te Rruga e Elbasanit, i vidhet me dhunë varësja e floririt
• EMRAT/ Kanabis dhe arsenal armësh, kush janë pronarët e shtëpisë së barit në Shijak