Hani 1 deri në 2 vezë të ziera në ditë, ja përfitimet

Sipas disa hulumtimeve të publikuara disa ditë më parë, ngrënia e 1-2 vezëve të ziera në ditë është një sasi e shëndetshme për shumicën e njerëzve. Nëse po kërkoni të rrisni sasinë e proteinave mund të konsumoni edhe më shumë sesa kaq. Por jo të gjithë ekspertët janë në një mendje lidhur me sasinë. Kur konsumohen për mëngjes, vezët kanë treguar se i bëjnë njerëzit të ndihen të ngopur për më gjatë.

Vezët dikur konsideroheshin burime ushqimore të pashëndetshme për shkak të kolesterolit të lartë dhe problemeve të zemrës. Fakti që e verdha e vezës përmban shumë kolesterol ishte arsyeja kryesore për këtë arsyetim. Megjithatë, hulumtimet e mëvonshme kanë zbuluar se vezët nuk rrisin rrezikun e sëmundjeve të zemrës.

Një vezë e madhe përmban 186 miligramë kolesterol dietik. Sipas udhëzimeve dietike të amerikanëve, njerëzit duhet të mbajnë sasinë e kolesterolit sa më të ulët të jetë e mundur, dhe të konsumojnë një dietë të ekuilibruar.

PËRFITIMET NGA VEZËT

Vezët janë një burim i shkëlqyer i proteinave. Ato janë të larta në vitamina dhe minerale të ndryshme duke përfshirë: vitaminë A,  vitamina B, B12,  vitaminë D,  Jod, Folat.

SA DUHET TË KONSUMOJNË FËMIJËT?

Fëmijët duhet të hanë një vezë në ditë. Vezët janë të pasura me hekur, folate, proteina dhe acide yndyrore omega-3, të cilat ndihmojnë në rritjen e qelizave dhe zhvillimin e trurit dhe plotësojnë kërkesat e tyre ditore për proteina.

SA DUHET TË KONSUMOJNË TË MOSHUARIT?

Një i rritur tipik i moshuar mund të hajë shtatë vezë në javë. Forca e kockave bie me kalimin e moshës dhe vezët përmbajnë vitaminë D, e cila ndihmon trupin në përthithjen e kalciumit për shëndetin e kockave. Të verdhat e vezëve përmbajnë antioksidantë luteinë dhe zeaxanthin, të cilët reduktojnë rrezikun e formimit të kataraktit dhe degjenerimit muskulor.

FAKTE PËR VEZËN

Kalori 78

Proteina 6.29 g

Sheqerna 0,56g

Fibra dietike 0 g 0%

Karbohidratet totale 0.56 g 0%

Natrium 62 mg 3%

Yndyra mono të pangopura 2.038 g

LEXONI GJITHASHTU:

• ‘Farmacia e Zotit’: 19 ushqimet që duken njësoj si organet të cilave ato u shërbejnë
• Luhatjet në tregje| Nafta ulet, ushqimet jo