Biserko: Marrëveshja Kosovë-Serbi, pengon formimin e bllokut të dytë rus në Ballkan

Presidentja e komitetit serb të Helsinkit, Sonja Biserko thotë se marrëveshja përfundimtare mes Kosovës dhe Serbisë, do të parandalonte formimit e një blloku të dytë rus në rajonin  e Ballkanit.

Në një intervistë për Euronews Albania, Biserko u shpreh se e mbështet përpjekjen e ndërkombëtarëve për arritjen e një marrëveshjeje mes dy vendeve.

“Ky propozim duhet të çojë në një marrëveshje përfundimtare e cila duhet të arrihet. Varet shumë nga Bashkimi Evropian, Britania, Gjermania dhe SHBA-të. SHBA-të janë shumë të angazhuara për ta zgjidhur këtë proces, për t’i dhënë një zgjidhje finale dhe personalisht e mbështes angazhimin e tyre.

Është një shans unik për të dyja palët. Kjo marrëveshje duhet të çojë në parandalimin e hapjes së një blloku të dytë rus në Ballkan. Kjo duhet pasur parasysh në momentin kur të merret vendimi nga të dyja palët, nga të gjitha palët e përfshira në dialog”, theksoi ajo.

LEXONI GJITHASHTU

• Sonja Biserko: Jo republikë serbe në Kosovë sipas modelit boshnjak
• Albin Kurti: Asociacioni një etnik nuk është i mundur në Kosovë
• Hovenier: Kosova të ecë drejt asociacionit, s’duhet të jetë Republikë Serbe