Rama mungoi në Kuvend, Vasili: Fshehja, provë e frikës të tmerrshme që ka

Nënkryetari i Partisë së Lirisë Petrit Vasili, deklaroi në përfundim të seancës plenare këtë të enjte, se mungesa e kryeministrit Rama në Kuvend për t’u përballur me opozitën për aferën McGonigal, është tregues i frikës së tij.

Vasili tha se Rama ka frikë të përballet në Kuvend me opozitën për shkak të përmendjes së emrit të tij në dosjen e drejtësisë amerikane.

Ai shtoi se llogaria e madhe për këtë çështje, do të jepet në shesh më datë 11 shkurt, në protestën e thirrur nga forcat opozitare.

“Heshtja nuk e zgjidh problemin. Keni pasur vetëm një pjesë të vogël të çështjes që është bërë publike. Gjëra të tjera do të dalin në dritë. Fshehja është prova e frikës së tmerrshme. E patë si u fsheh për të dhënë llogari ndaj një afere ku përmendet 14 herë.

Vendi I vetëm ku ai është votëbesuar dhe duhet të japë llogari, është parlamenti, ju e patë që u fsheh dhe nuk erdhi. Lindita Nikolla është vendosur në krahun e shkatërrimit të parlamentarizmit dhe për këtë do të përgjigjet. Asgjë nuk i bëjnë opoziitës vetëm e forcojnë dhe llogaria e madhe do të jepët më 11 shkurt”, tha Vasili.

LEXONI GJITHASHTU: 

• Balla: Opozita nuk ka interes për çështjen McGonigal, pse mungoi Rama në seancë
• Boçi: Rama burracak, po kërkon mbrojtje policore