“Akuzat ndaj Ramës në SHBA”, Zhupa: S’presim që ai të pranojë shkeljet që ka bërë

Deputetja e PD-së Ina Zhupa është shprehur se protesta që do të zhvillohet më datë 11 shkurt nuk do të jetë as e para e as e fundit kundër kryeministrit Edi Rama, referuar çështjes së ish-zyrtarit të FBI-së, Charles McGonigal.

Në një intervistë për Euronews Albania, Zhupa theksoi se nuk presin që Rama të pranojë shkeljet që ka bërë.

Ndër të tjera ajo theksoi se akuza e ngritur ndaj kreut të qeverisë nuk është bërë në Shqipëri por në SHBA.

“Protesta do të jetë kombëtare por s’do të jetë as e para e as e fundit protestë e kësaj stine protestash . Akti që është zbuluar nga hetimet dhe aktakuza e ngritur ngritur nga juria e madhe dhe hetimet e FBI-së dhe kapërcen një hetim të thjeshtë. Është një miksim midis një tradhtie kombëtare dhe një korruptimi të zyrtarit më të lartë siç është Rama.

Rama ka dhënë para që të minojë dhe  marrëdhëniet tona me SHBA, sigurinë tonë kombëtare. Nuk besoj se ndonjëri nga ne pret që Rama të ketë atë nivel përgjegjshmërie që t’i thotë burgut hapu dhe të pranojë atë që ka bërë. Është hera e parë në fakt që akuzat nuk janë hedhur në Shqipëri por në SHBA”- tha ajo.

LEXONI GJITHASHTU: 

• Helikopteri i marinës amerikane stërvitje ushtarake në Shqipëri
• Bobby theu rekordin Guinness si qeni më i vjetër në botë