Habit balerina: Publiku i huaj është kritik, ai shqiptar vjen për t’u argëtuar

Balerina Aleksia Velo ka rrëfyer në studion e Euronews Albania eksperiencën e saj në skenat ndërkombëtare por dhe ato të shqiptare.

Në rrëfimin e saj Aleksia tha se asaj personalisht i pëlqejnë më shumë duartrokitjet e publikut shqiptar dhe se i shijon më shumë skena në Shqipëri se jashtë.

Balerina tha se publiku i huaj është më kritik se ai shqiptar, i cili vjen në teatër për tu argëtuar dhe për të larguar stresin e përditshëm.

“Duke qenë me spektatorin shqiptar jam tepër e njohur dhe i ndiej shumë më afër, kam marrë shumë duartrokitje dhe nga ndërkombëtarët patjetër. Por më shijon dhe më tërheq kjo skena shqiptare. Të huajt nuk e njohin Aleksian, por mendoj se ia kam dalë me sukes.

Publiku shqiptar e shikon më tepër si argëtim, ndoshta për të larguar stresin nga problemet, publiku i huaj është më i specializuar dhe pak më kritik. E shohin çdo gjë më me sy kritik dhe presioni është më i madh dhe ndaj duhet të japësh maksimumin. E ndiej këtë presion edhe në skenat shqiptare pasi përgatitja është shumë e madhe”, tha Balerina.

LEXONI GJITHASHTU

• ‘Vjedhja ishte një inskenim’, sanitarja: Alda Klosi donte të fajësonte bashkëshortin
• Iu vodhën mijëra euro nga pastruesja, arrestohet Alda Klosi