EMRI/ Mashtroi 72-mijë euro me shitjen e dyqanit, arrestohet 63-vjeçari

Policia shqiptare në bashkëpunim me Interpolin ka bërë të mundur lokalizimin dhe arrestimin e dy shtetasve shqiptarë të shpallur në kërkim ndërkombëtar.

Në Greqi u bë kapja dhe arrestimi provizor i shtetasit Pëllumb Braçe, 63 vjeç, banues në Durrës.

Ky shtetas ishte shpallur në kërkim ndërkombëtar, pasi Gjykata e Rrethit Gjyqësor Durrës, e ka dënuar me 15 vjet burgim, për kryerjen e veprës penale “Mashtrimi”, me pasoja të rënda.

Braçe dyshohet se u ka marrë me anë të mashtrimit, shumën 72 mijë euro, 2 shtetasve, duke u premtuar shitjen e një dyqani në një pallat të ri, në Durrës.

Ndërkohë që në Çeki është ndaluar një tjetër shqiptar i shpoallur në kërkim për plagosje të rëndë.

Albert Lamaj, 38 vjeç, banues në Ballsh, ishte i shpallur në kërkim ndërkombëtar, pasi Gjykata e Rrethit Gjyqësor Sarandë, e ka dënuar me 2 vjet burgim, për kryerjen e veprës penale “Plagosja e rëndë me dashje”.

Lamaj, më datën 03.03.2017, në lagjen nr.3 Sarandë, pas një konflikti për motive të dobëta, ka plagosur rëndë, me mjet prerës (thikë), shtetasin M. Gj.

Interpol Tirana, në bashkëpunim me homologët grekë dhe ata çekë, vijon procedurat për ekstradimin e këtyre 2 shtetasve drejt Shqipërisë.

LEXONI GJITHASHTU: 

• Zbulohen akuzat ndaj Fatmir Mediut, “Gërdeci” do hetohet dhe për pastrim parash
• “Nuk e di nëso do jetoj”- I përlotur, i riu publikon videon prekëse nga rrënojat
• “Nuk e di nëso do jetoj”- I përlotur, i riu publikon videon prekëse nga rrënojat