Berisha mbyll protestën nga selia e PD: Policia të lirojë menjëherë protestuesit

Sali Berisha ka mbyllur protestën pas mbërritjes së bashku me mbështetësit e tij në selinë blu.

Në një deklaratë për mediat kryedemokrati premtoi se revolucioni do të rikthehen të hënën në orën 5 pasdite.

Ai i bëri thirrje policisë që të lirojë menjëherë protestuesit demokratë të cilët i cilësoi luftëtarë të lirisë.

“Ndahemi të betuar, të vendosur më shumë se kurrë për të vazhduar revolucionin për kauzën tonë të drejtë deri në përmbysjen e plotë të monizmit. I kërkoj policisë të lirojë menjëherë luftëtarët e lirisë, çdo cenim i tyre cilido që ta bëjë do të regjistrohet si armik. Ditën e hënë para parlamentit. Parlamenti është i qytetarëve”, tha Berisha.

LEXONI GJITHASHTU:

• Shkëlzen Berisha flet nga protesta e opozitës
• Meta mesazh në nisje të protestës: Ndryshimi do të ndodhë me çdo çmim