Maskat në rrugë, Kryemadhi: Rama po i trajton qytetarët si kafshë pa gojë, fuqia e opozitës tek bashkimi

Kryetarja e lëvizjes Socialiste për Integrim, Monika Kryemadhi në një komunikim me mediat ditën e sotme u shpreh e bindur në fitoren e opozitës më 25 prill, teksa theksoi se fuqia e opozitës, pavarësisht ideologjisë që përfaqëson çdo parti, është bashkimi.

“Është një opozitë e bashkuar që pavarësisht bindjeve ideologjike janë për të krijuar këtë lehtësi për shqiptarët. Janë disa gjëra që pavarësisht bindjeve, kemi një gjë të përbashkët, 25 prillin shpëtimin nga aksidenti Rama dhe ndërtimin e infrastrukturës për në BE. Sot fuqia e opozitës qëndron tek bashkimi i saj”, tha kryetarja e LSI.

Sipas saj, zgjidhja është te çlirimi i energjisë pozitive që kanë shqiptarët që sot u është ndryshuar.

“Përdorimi i maskës në rrugë është një detaj që ai t’i trajtojë qytetarët si kafshë pa gojë. E bën për të treguar se sa populli mund të durojë. E ka kthyer pandeminë në një instrument për të parë reagimin e qytetarëve ndaj vendimeve të tij”, tha znj. Kryemadhi.