Berisha: Rama ka frikë dhe tmerr nga prania jonë, ndaj kërkon të na përgjysmojë

Kreu i PD-së Sali Berisha është shprehur se kryeministri Edi Rama duhet të jetë në burg për shkak të krimit që ka bërë ndaj pluralizmit politik dhe SHBA-së .

Në një deklaratë për mediat, ai tha se kreu i qeverisë Edi Rama ka frikë ndaj opozita ndaj kërkon që t’i përçajë.

“Nesër është betejë, ditë beteje! McGonigal është në burg, Edi Rama e ka vendin në burg.
Akti që ka kryer Edi Rama ndaj SHBA dhe ndaj Shqipërisë, krimi i rëndë që ka kryer kundër pluralizmit politik dhe kundër sigurisë së SHBA, meriton një ndëshkim ekzemplar.
Faza e parë e dërgimit të tij në banesën e tradhtarëve, armiqve të pluralizmit dhe demokracisë, është largimi i tij nga pushteti.

Ndaj dhe çdo ditë, çdo betejë ka një rëndësi të jashtëzakonshme. Sot ata, për turpin e tyre, marrin përsipër të përjashtojnë një grup tjetër deputetësh nga parlamenti pasi Edi Rama pas një muaj do shkojë në sallën e parlamentit, por ka frikë dhe tmerr nga prania jonë, ndaj kërkon të na përgjysmojë.

Kjo është e vërteta. Pasi u kthye nga Dubai, ku takoi ortakun e vëllait të vet, Amant Josifin, për të mos thënë edhe disa të tjerë, tani ka vendosur të hyjë në parlament.
Ky përbën një akt të shëmtuar të tij dhe të pseudomazhorancës së tij”- tha Berisha.

LEXONI GJITHASHTU: 

• “Mirë unë që u dogja, por…”- Koka largohet nga gjyqi pas problemeve shëndetësore
• Berisha: Rama ka frikë dhe tmerr nga prania jonë, ndaj kërkon të na përgjysmojë