Manipuluan zgjedhjet në shumë se 30-vende, nisin hetimet për hakerat izraelitë

Një hetim ka nisur ndaj një ekipi kontraktorësh izraelitë të cilët pretendohet se kanë manipuluar zgjedhjet në më shumë se 30 vende në mbarë botën duke përdorur hakerime, sabotazhe dhe dezinformata të automatizuara në mediat sociale.

Njësia drejtohet nga Tal Hanan, një ish-operativ i forcave speciale izraelite 50-vjeçar, i cili tani punon privatisht duke përdorur pseudonimin “Jorge” dhe duket manipuluar zgjedhjet në vende të ndryshme të botës.

Ai po demaskohet nga një konsorcium ndërkombëtar gazetarësh. Hanan dhe njësia e tij, e cila përdor emrin e koduar “Ekipi Jorge”, janë ekspozuar nga pamjet e fshehta dhe dokumentet e zbuluara nga The Guardian.

Hetimi zbulon detaje të jashtëzakonshme rreth mënyrës sesi dezinformimi përdoret nga ekipi i Jorge, për të manipuluar zgjedhjet pa lënë gjurmë.

Hanan u tha gazetarëve të fshehtë se shërbimet e tij, të cilat të tjerët i përshkruajnë si “operacione të zeza”, ishin në dispozicion të agjencive të inteligjencës, fushatave politike dhe kompanive private që donin të manipulonin fshehurazi opinionin publik.

Ai tha se ato ishin përdorur në të gjithë Afrikën, Amerikën Jugore dhe Qendrore, SHBA dhe Evropë.

LEXO GJITHASHTU:

• Toka, apartamente e kazino, lista me 34 pasuritë e sekuestruara të Ervis Martinaj
• Një burrë me eksploziv afër parlamentit në Zvicër, evakuohet godina