‘Me vuvuzela dhe bilbila’, Noka tregon videon: Si protestonte PS-ja në Kuvend

Deputeti i Partisë Demokratike, Flamur Noka ka folur pas mbledhjes së Komisionit të Etikës në Kryesinë e Kuvendit, ku kërkohej përjashtimi i tij dhe disa deputetëve demokratë.

Gjatë fjalës së tij për mediat, Noka tregoi një video kur Partia Socialiste ishte në opozitë dhe protestonte në Kuvend, ku deputetët e kësaj force politike përdornin vuvuzela dhe bilbila.

Sipas Nokës, në atë kohë kur PD-ja ishte në pushtet, opozita protestonte për të drejtat e saj.

“Unë mund t’iu bëj me dije ju, kohën kur në Shqipëri nuk dhunohej opozita dhe kohën kur në parlament funksiononte demokracia. Shikojeni, me vuvuzela, me bilbila, se këta e quajnë armë të ftohtë bilbilin tani.

Protestonte për të drejtat e veta opozita, as nuk shpallej armik, as nuk tentohej të likuidohej, as nuk persekutohej, as nuk bëheshin gjyqe komuniste që u munduan të na bënin sot ne, por respektohej, opozita është pasuri kombëtare”, theksoi ai.

LEXONI GJITHASHTU

• “Solidaritet me PD”, Meta i bashkohet protestës së 3 marsit: Çështja e vulës …
• Protesta në ditën e gjykimit të vulës së PD, Berisha: Do të jetë epike
• Berisha: Rama ka frikë dhe tmerr nga prania jonë, ndaj kërkon të na përgjysmojë