Kreu i Partisë Demokratike Sali Berisha u ka bërë thirrje të gjithë qytetarëve që t’i bashkohen protestës kombëtare të PD-së në datën 3 mars.

Gjatë fjalës së tij në mbledhjen e grupit parlamentar Berisha, tha se objektivi i protestës është vetëm Edi Rama.

Sipas Berishës, kreu i qeverisë ka kryer vepra të tmerrshme, akte të pabesisë ekstreme ndaj SHBA, NATO-s.

Ndërkohë që protesta vjen në të njëjtën datë kur gjykata e Apelit pritet të japë vendimin se kujt i përket vula e PD-së.

“Së fundmi, u bëj thirrje shqiptarëve të programojnë të gjithë axhendën me datën 3 mars, do të jenë në Tiranë në një protestë epike për nga përmasat. Theksoj se protesta ka vetëm një objektiv: Edi Ramën, Edi Ramën, Edi Ramën. Nuk ka të bëjë as me gjykatën, as me institucionet e tjera. Ne nuk bëjmë veprime në paragjykim. PD e ka vendimin e gjykatës. Gjykimi është për të pranuar palë Alibashën. Nuk ka gjykatë, pse e bëri Blerina Muçi nën ndikimin e Edi Ramës dhe Yuri Kim, të tjerë nuk mund ta bëjnë një akt të tillë sepse përmbyset sistemi i drejtësisë nëse shpall palë atë që nuk ka qenë palë, ti hap rrugën e rrëzimit të çdo vendimi gjyqësor me urdhra politikë. Objektivi ynë është Edi Rama, ky është një armik i egër që po bën gjithçka për të shpëtuar lëkurën e tij, pasi ka kryer vepra të tmerrshme, akte të pabesisë ekstreme ndaj SHBA, NATO-s, sigurisë së tyre, por edhe akte antikushtetuese ndaj demokracisë dhe pluralizmit në Shqipëri”- tha Berisha.

LEXONI GJITHASHTU: 

• “Mirë unë që u dogja, por…”- Koka largohet nga gjyqi pas problemeve shëndetësore
• Berisha: Rama ka frikë dhe tmerr nga prania jonë, ndaj kërkon të na përgjysmojë