Tregu pa kushte në Pogradec | Shitësit ankohen, bashkia ka gati projektin e ri

Tregu industrial në Pogradec ngjason si një ndërtesë pas lufte. Kudo ka lagështirë dhe mungesë investimesh. Këtë fakt e pranojnë edhe shitësit.

“Kushtet, të vish në ndonjë ditë që bie shi atëherë e merr vesh çfarë kushte janë këtu brenda. Të gjitha janë shumë të këqija, dritaret e çara, shiu bie i gjithi brenda, banjot skandaloze, gjëja që duket nuk do kallauz. Ftohtë, ja siç vishemi ne, këtu si në zonat e ftohta”, u shpreh një shitës.

Në kushte të tilla minimale edhe blerësit janë tejet të pakët, çka e bën pothuajse të pamundur që një shitës në këtë treg të mund të fitojë të ardhura.

Nga ana tjetër, kryetari i bashkisë së Pogradecit konfirmon kushtet e vështira që këta shitës janë, duke lajmëruar se projekti për një tjetër treg është gati.

“Duke u nisur edhe nga kërkesat e tyre tejet të këqija, ne kemi gati projekti për financim tek ish ndërmarrja e NPN, është 2000 m2, kemi projekt dinjitoz që do zhvillohet nga FNZH, besoj brenda ketij muaji do çelet fondi dhe do nisë investimi.

Do jetë qendër tregtare por e një pol tjetër i qytetit, gjithë shtëpitë do suvatohen dhe do ketë parkim do jetë multifunctional. Besoj merr zgjidhje dhe është ndoukeo për gjithë qytetarët”, theksoi Ilir Xhakolli.

Në kushte të vështira janë edhe shitësit në Kolonjë dhe Devoll, ku mungon një ndërtesë për shitjen e produkteve të tyre, të cilët detyrohen të shesin edhe në temperatura nën 0 gradë.

LEXONI GJITHASHTU

• Shpërthen ish-deputeti: Xhupi i një ministri kushton sa 5-vite rrogë e një mësuesi
• Deklarata e fortë e Zekës: Dyshime që VV vrau aktivistin, si e përdori Albin Kurti
• Putin do të takohet me Lukashenkon të premten, thotë Kremlini