“Asnjëherë s’kam marrë shërbim 100% falas”, mjekët çojnë pacientët në privat

Mjekët e qendrës spitalore universitare, thuajse çdo ditë orientojnë pacientët e tyre në dyert e spitaleve private për të bërë analizat.

Edhe pse kanë ardhur përkundrejt sistemit të referimit, ata nuk ja dalin të marrin shërbim pa pagesë.

Një zonjë nga Mati tregoi për Euronews Albania se analizat në privat i kanë kushtuar rreth 40 mijë lekë. Sipas saj mjekët i kanë thënë se në shtet nuk ofrohen ato analiza dhe për këtë arsye i është drejtuar spitaleve private.

Por kjo nuk është e vetmja paciente që orientohet për të marrë shërbim në privat.

Një tjetër qytetare u shpreh se nuk ka marrë ndonjëherë shërbim 100% falas vetëm në shtet.

Edhe më e vështirë është situate për pacientët që vuajnë nga kanceri. Edhe pse medikamentet për kimioterapi gjenden në spital, fatura e ilaçeve pas çdo seance dhe ecejaket nga rrethet drejt Tiranës i bëjnë të papërballueshme kostot.

Problemit të orientimit drejt privatit, i shtohet edhe qëndrimi për orë në radhë, në pritje të konsultës me mjekun. Edhe pse janë me fasha orare të përcaktuara shpesh ndodh që të ketë vonesa.

LEXONI GJITHASHTU:

• Mjeku Pëllumb Pipero shtrohet me urgjencë në spital
• E trishtë në Turqi | U nxorr i gjallë nga rrënojat pas 13 ditësh, por vdes në spital