Arrestohet 19-vjeçari i armatosur, shoku i tij i rrezikon jetën policëve

Një 19-vjeçar u arrestua nga policia në Durrës pasi lëvizte në qytet i armatosur.

Efektivët ndaluan një automjet tip “Ford”, por drejtuesi i automjetit, shoku i 19-vjeçarit nuk i është bindur urdhrit për të ndaluar, por ka shtuar shpejtësinë, duke rrezikuar jetën e punonjësve të Policisë.

Pas ndjekjes, O. V., 19 vjeç u arrestua, ndërsa A. A., 32 vjeç u shpall në kërkim duke qenë se përfitoi nga errësira dhe u largua.

Gjatë kontrollit në automjet, shërbimet e Policisë gjetën dhe sekuestruan në cilësinë e provës materiale një armë zjarri pistoletë dhe municion luftarak.

LEXONI GJITHASHTU:

• Shpërndanin heroinë në Fier, 1 i arrestuar, 1 në kërkim
• Plagosi me thikë 52-vjeçarin në Vlorë, arrestohet autori