4 anije të NATO-s instruktazh në Portin e Durrësit, çfarë po përgatitet?

Ekipet e luftanijeve të NATO-s po zhvillojnë instruktazhe me Repartin e Emergjencave Civile të Portit të Durrësit.

Korrespondentja e Euronews Albania, Kloida Gjuzi tha se bëhet fjalë për misione të heqjeve të minave që janë ndërmarrë jo vetëm në portin e Durrësit, por në vazhdën e misioneve të tjera që NATO i ka bërë përgjatë vitit që lamë pas dhe këtij që ka nisur.

“Një mision është ndërmarrë në portin e ri të Durrësit, në Porto Romano duke marrë parasysh se në vitet e fundit që nga Lufta e Dytë Botërore ka pasur incidente të shumta në kohën kur punohej në kanalet hyrëse apo për thellimin e baseneve të porteve. Ka pasur incidente për shkak të minave që kanë qëndruar në këto ujëra që prej luftës së dytë botërore,” – u shpreh Gjuzi.

LEXONI GJITHASHTU:

• Hungaria do të votojë në mars për pranimin e Finlandës dhe Suedisë në NATO
• Biden do të takohet me udhëheqësit lindorë të NATO-s