Pjesë e bandës së rrezikshme që nuk i ndaloi policisë, lihet në burg Denis Karafili

Gjykata e Vlorës ka vlerësuar të ligjshëm arrestimin e Denis Karafilit. Ndërkohë që gjatë seancës së mbajtur këtë të shtunë organi akuzës ka kërkuar për masë më të butë siguria atë të “Detyrim paraqitjes”.

Karafili ishte i vetmi i ndaluar gjatë aksionit të policisë dhe FNSH-së, të zhvilluar mbrëmjen e së  mërkurës në Vlorë.

Ende në kërkim mbeten Inez Hajrulla, Olsi Koçeli, Erand Hoxha dhe Klaus Islamaj.

Grupi i Hajrullës, u pikasën nga policia në lagjen ‘Pavarësia’ në Vlorë, Denis Karafili, i cili ishte drejtuesi i mjetit, nuk iu bind urdhrit të policisë për të ndaluar.

Mjeti tip ‘Toyota’ i drejtuar nga Karafili sipas pretendimit të policisë , është larguar me shpejtësi nga vendngjarja por është ndaluar më pas. Policia arriti të kapë 29-vjeçarin dhe shpalli në kërkim 4 të tjerët.

Gjatë kontrolleve, policia sekuestroi në banesën e Olsi Koçelit dhe në biznesin e Denis Karafilit, veshje (uniforma) dhe radio si të Policisë, 1 jelek antipulmb, targa automjetesh të dyshuara të vjedhura, një shumë parash, fishekë dhe sende të tjera, që i shërbenin veprimtarisë së grupit kriminal ku këta persona bënin pjesë.

Në gjykatë mbrojtja e 29-vjeçarit ka pretenduar se ai nuk ka qënë pjesë e përplasjes së të rinjve me policinë.

LEXONI GJITHASHTU

• Iraniani: Paqja në botë arrihet vetëm nëse gratë bëhen lidere në politikë
• Iraniani që flet shqip: Pranojmë dhe Krishtin dhe Muhamedin, ka vetëm 1 fe
• Iraniani që jeton në Shqipëri: Nuk kthehem në Iran, mund të vritem