Votohet ristrukturimi i qeverisë në Maqedoninë e Veriut

Kuvendi i Republikës së Maqedonisë së Veriut zgjodhi të hënën katër ministra të rinj.

• Krenar Loga (Aleanca për Shqiptarët ) – Ministër i Drejtësisë;
• Fatmir Mexhiti (Aleanca për Shqiptarët ) – Ministër i Shëndetësisë;
• Azir Aliu (Aleanca për Shqiptarët ) – Ministër i Shoqërisë Informatike dhe Administratës;
• Kaja Shukova (LSDM) – Ministre e Mjedisit dhe Planifikimit Hapësinor.

Nga 114 deputetë të pranishëm në sallë, gjithsej 65 deputetë votuan “për” Logën, Mexhitin, Aliun dhe Shukovën, asnjë kundër dhe asnjë abstenim.

Pas votimit, ministrat e rinj bënë betimin solemn.

Lloga zëvendëson Nikolla Tupançevskin, nga LSDM, Mexhiti zëvendëson Bekim Salin nga Alternativa dhe Aliu zëvendëson Admirim Alitin, po ashtu nga Alternativa. Shukova, nga ana tjetër, do të zëvendësojë Naser Nuredinin nga BDI. Propozimet e tjera për zëvendësministra janë: Tiron Jahjaga – Zëvendësministër i Mbrojtjes; Vjollca Berisha – Zëvendësministre e Bujqësisë; Viktorija Avramovska-Mandiq, Zëvendësministre e Drejtësisë; dhe Maja Manoleva – zëvendësministre e Shëndetësisë.

LEXONI GJITHASHTU:

• Ibrahimi: Ligji e lejon asociacionin mes komunave shqiptare në RMV
• Mbi 7 mijë bluza të bardha janë larguar nga sektori publik në RMV