Durrësi kalon Tiranën në ndërtim, rritet interesi për banesa dhe biznese në bregdet

Me 180 leje të miratuara për 3 muaj, Durrësi ka lënë pas Tiranën për numrin e lejeve ndërtimore në vitin 2022. Interesi për të ndërtuar në bregdet, është rritur papritur, pas synimeve për të transformuar portin e qytetit dhe investimeve të tjera në vijën bregdetare.

Në vitin 2022, me të dhënat e plota të publikuara nga INSTAT, numri i lejeve ndërtimore dhe sipërfaqja e firmosur për ndërtime të reja ishte më e lartë se në vitin 2021, dhe si e tillë ka kaluar edhe vitet parardhëse.

Në numër të përgjithshëm ato arritën në 1420 që përputhet më një sipërfaqe 2.7 mln metër katror.

Shumica e ndërtimeve të kërkuara nga firmat ndërtuese apo individëve janë për qëllime banimi, në masën 65 % dhe pjesa tjetër ndahet mes strukturave të biznesit si hotele e magazine dhe veprave inxhinerike publike.

Në vlerë të përgjithshme, kostot e përgjithshme të të gjitha strukturave që po ndërtohen dhe do të zhvillohen në vazhdim, arrijnë në 985 mln euro.

LEXONI GJITHASHTU

• Abazoviç: Ndërtimi i urës mbi Bunë do lidh dy vendet, por do ndihmojë dhe në turizëm
• Reagime ndaj Erdogan për standardet e ndërtimit në qytetin e shkatërruar nga tërmeti