Priten pemët e mollëve në Korçë, Meço: Do të zëvendësohen me grurë, patate dhe qepë

Kultivuesi Sulejman Meço tregoi në një intervistë për “Good morning Albanians” në Euronews Albania se disa lloje mollësh në Korçë janë duke u mbjellë gjithnjë e më pak, madje prej mungesës së tregut pemët e tyre janë prerë.

“Këtë vit kjo pjesë sipërfaqeje që është prerë u mboll. Është mbjellë grurë, do mbillen qepë, patate,” – u shpreh Meço.

Sikurse në çdo stinë ka disa kultura, fruta apo perime që hasin vështirësi në treg, për shkak të sasisë së madhe, çmimit të lartë apo uljes së fuqisë blerëse.

Kryesisht në zonën e Korçës disa fermerë kanë prerë pemët e mollës, të cilat janë më të vjetra se 20 vjet dhe nuk japin më prodhim cilësor. Një sasi e konsiderueshme e mollëve të pa shitura ndodhet në frigorifer.

LEXONI GJITHASHTU:

• Molla, karota dhe lakra nuk kanë treg
• Fermerët në Devoll presin mollët: S’ka treg, më shumë shpenzojmë se fitojmë