“Shoferi i zemrës time”, Gruaja e makinistit në trenin grek rrënqeth me lamtumirën

Gruaja e makinistit që drejtonte trenin e udhëtarëve në Greqi ka rrënqethur me lamtumirën për bashkëshortin.

Ajo ka postuar një mori fotosh në rrjetet e saj sociale duke i shprehur dashurinë të ndjerit.

“Ti do të jesh gjithnjë shoferi i zemrës time. Të dua shumë! Burri im i dashur, partneri im, shoku im më i mirë! Rrugë të mbarë Dimitrisi im,” – ka shkruar ajo në faqen e saj në Instagram.

 

View this post on Instagram

 

A post shared by *Katerina* (@katerinavlch)

Dimitris Massali, 32 vjeç ishte makinisti i trenit të udhëtarëve që u përplas me trenin e mallrave në Greqi.

Aksidenti tragjik la pas të paktën 57 viktima dhe qindra të lënduar.

Ka nisur procesi i identifikimit të viktimave, të cilat po i nënshtrohen procesit të verifikimit të ADN-së. Sa i takon të plagosurve, të cilët ndodhen në dy spitalet e qytetit të Larisës, situata rezulton nën kontroll.

Autoritetet helene bëjnë të ditur se përveç atyre pak pacientëve që ndodhen në repartet e terapisë intensive për shkak të gjendjes kritike, pjesa tjetër e tyre nuk është në rrezik për jetën.

LEXONI GJITHASHTU:

• 5 marsi ditë zie kombëtare në nder të viktimave të aksidentit tragjik në Greqi
• Aksidenti i trenave në Greqi, gjendet i vdekur futbollisti