Ministrja britanike sulmon ish-futbollistin, Braverman: Ndihem e fyer!

Deklarata e pak kohëve më parë e bërë nga legjenda e futbollit anglez, Gary Lineker në lidhje me mënyrën se si po trajtohen emigrantët e paligjshëm në Mbretërinë e Bashkuar nuk është pritur mirë nga ministrja e Brendshme, Suella Braverman.

Në reagimin e tij, Lineker e cilësoi mënyrën se si autoritetet britanike po veprojnë me atë të Gjermanisë naziste të viteve 1930.

Lineker aktualisht vijon karrierën si moderator sporti i emisionit ‘Match of the day’ në BBC, ndërkohë këta të fundit pritet të marrin masa ndaj tij. Në një reagim të bërë nga ministrja Braverman, ajo pohoi se ndihet e fyer nga deklarata e ish-futbollistit, teksa pohon se masat e autoriteteve britanike të cilat janë absolutisht të ligjshme dhe proporcionale.

E pyetur nëse Lineker duhet të japë dorëheqjen apo të shkarkohet nga BBC, Braverman pohoi se ajo çështje i takon televizionit, ndërkohë e ftoi ish-futbollistin të vizitojë Kentin dhe Donverin për të parë se si trajtohen emigrantët.

Gary Lineker është kritikuar edhe më tej në lidhje me qëndrimet e tij politike, të majta, ndërsa ka kritikuar më parë edhe Liz Truss. Në vijim pritet të ketë sërish reagime nga ana e 62-vjeçarit, teksa nuk ka asnjë masë të marra nga BBC.

LEXONI GJITHASHTU:

• OKB kundër Britanisë për dëbimin e azilkërkuesve që mbërrijnë me gomone
• Johnson akuza pasardhësit Sunak: I ka lejuar BE-së shumë ndikim në Britani