Elita e UÇK-së në Gjykatën e Hagës, flet për Euronews Albania Ramush Haradinaj: Besoj në pafajësinë e bashkëluftëtarëve të mi

Ish-kryeministri i Kosovës dhe një nga udhëheqësit e Ushtrisë Çlirimtare të saj (UÇK), Ramush Haradinaj thotë se beson tek pafajësia e bashkëluftëtarëve të tij pavarësisht se ata sot i përkasin “divizioneve të ndryshme në politikë”.

“Ju siguroj që unë besoj në luftën e drejtë të UÇK-ës, pastërtinë e asaj lufte, besoj në drejtësinë e asaj lufte dhe në pafajësinë e bashkëluftëtarëve të mi, të presidentit Thaçi, të kryetarit Veseli, të kryetarit Jakup Krasniqi dhe të bashkëluftëtarëve të tjerë. Edhe e kam për nder, që jemi brez, që kemi krijuar lirinë tone,” – u shpreh Haradinaj.

Në fund të intervistës në emisionin “Balkan Talks” të gazetarit Franko Egro në Euronews Albania, ish-komandanti i Ushtrisë Çlirimtare të Kosovës, Ramush Haradinaj, tha se shqiptarët e Kosovës kanë luftuar për të krijuar atë që ai e cilëson si “lirinë e jetës”.

“E kam për nder t’i themi botës, jo vetëm shqiptare se jemi brez që kemi krijuar lirinë tonë. Vlera më sublime që krijon dikush sot është liria. Ne e kemi krijuar lirinë e jetës, të jetojmë të lirë, të cilën duket se shqiptarët e kanë më të çmueshmen, Kosova e ka, dhe i qëndrojmë besnikë kësaj”, shtoi Haradinaj.

Intervista e plotë:

Lexoni gjithashtu:

Haradinaj: Lajçak s’e përparon dot dialogun, marrëveshja me Serbinë ka nevojë për Merkel e Macron

Minishengeni ballkanik, Haradinaj tregon ”rrezikun” e madh që i kanoset Kosovës

Haradinaj: Si President do të ruaj interesin e Kosovës