KQZ miraton listën e anëtarëve të KZAZ-ve të Partisë Demokratike

Komisioni Qëndror i Zgjedhjeve ka miratuar listën e anetarëve të KZAZ-ve të propozuar nga Partia Demokratike zyrtare.

Vendimi hyn në fuqi menjëherë dhe do të botohet në faqen zyrtare elektronike të KQZ.

Ky vendim vjen në një moment kur Partia Demokratike nuk është regjistruar ende në zgjedhjet e 14 majit.

Kujtojmë se në mbledhjen e zhvilluar më datë 9 mars, gjatë shqyrtimit të kërkesave të Rithemelimit dhe PD-së zyrtare, KQZ rrëzoi Berishën dhe shtyu regjistrimin e Alibeaj.

Kryekomisioneri Shtetëror i Zgjedhjeve, Ilirjan Celibashi deklaroi se në bazë të dokumentacioneve që i janë paraqitur, të drejtën për regjistrimin e Partisë Demokratike në zgjedhjet e 14 majit, e ka Lulzim Basha.

Celibashi, pasi dëgjoi përfaqësuesit e dy grupimeve në PD, u shpreh se kërkesa e Bashës nuk është e plotë ndaj dha 48 orë kohë për të bërë plotësimet e duhura.