Vuçiç: Shpresoj se do ta vizitoj Kosovën deri në fund të vitit

Presidenti serb, Aleksandër Vuçiç deklaroi se në mbledhjen e bordit të Partisë Përparimtare Serbe (SNS) se shpreson që deri në fund të vitit të mund ta vizitojë Kosovën.

Në këtë takim, Vuçiç tha se kryeministri i Kosovës, Albin Kurti ka konfirmuar se nuk do ta themelojë Asociacionin e komunave me shumicë serbe, sepse nuk është në përputhje me ligjet e Kosovës, shkruan Radiotelevizioni i Serbisë (RTS).

“Ne po përgatitemi për bisedime të hënën dhe të martën, dhe pas kësaj do të shkojmë në Ohër. Më besoni se nuk e kam të qartë se për çfarë të flasim atje”, tha ai.

I dërguari i Bashkimit Evropian për dialogun Kosovë-Serbi, Mirosllav Lajçak, do ta vizitojë Beogradin më 13 dhe 14 mars.

Lajçak ka qëndruar në Kosovë më 9 dhe 10 mars. Fillimisht ai takoi presidenten e vendit Vjosa Osmani dhe kryeministrin Albin Kurti.

Më 10 mars, ai zhvilloi bisedime me partitë opozitare në Kosovë dhe përfaqësues të Listës Serbe, partia më e madhe e serbëve në Kosovë, rreth propozimit evropian për normalizimin e marrëdhënieve mes dy vendeve.

LEXONI GJITHASHTU

• Lista Serbe takon Lajçakun: Asociacioni, parakusht për normalizimin e marrëdhënieve
• Vuçiç: Jam betuar në Kushtetutë dhe në Ungjill që nuk do ta njoh kurrë Kosovën
• Lajçak mbyll vizitën me takimin me ambasadorët e akredituar në Kosovë