Dashamir Shehi për Tiranën? Paralajmëron Topollari: Ja ç’do bëjmë si koalicion

Kreu i Bindjes Demokratike Fabian Topollari tha se nëse opozita në mazhoritar del me më shumë se një kandidat edhe ata do të kenë të drejtën që në ato bashki ku mendojnë se kanë një kandidat më të mirë se dy palët, të nxjerrin një kandidat më vete.

“Edhe me Tiranën, nëse në Tiranë gara mazhoritare ndahet midis kandidatëve të opozitës, me disa kandidatë, në këtë çast është e pamundur fitorja ndaj Erion Veliajt, sigurisht ne, nëse mendojmë se kemi një kandidat më të mirë se ata 2-3 që ka nxjerrë opozita, sigurisht dhe ne kemi të drejtën morale për të nxjerrë kandidatin tonë,” – u shpreh Topollari.

Ai theksoi se bien dakord se Dashamir Shehi është një kandidat më i mirë se ata që kanë dalë deri tani.