Alarm për bombë në gjykatat e Sarajevës, evakuuohen punonjësit

Të gjithë punonjësit e gjykatave në Sarajevë të Bosnjë Hercegovinës janë evakuuar nga godinat e institucioneve ku punojnë.

Kjo ka ardhur pasi një person ka bërë një telefonatë në polici ku ka thënë se kishte vendosur një bombë.

Për shkak se nuk e ka specifikuar në cilën gjykatë e ka vendosur bombën, policia po kryen inspektime në të gjitha gjykatat, duke vijuar me Gjykatën Kushtetuese, Supreme, Komunale dhe Kantonale.

“Një person i panjohur bëri një telefonatë sot për të raportuar se kishte vendosur një bombë në ‘gjykatën në Sarajevë’. Duke qenë se nuk është specifikuar se për cilën gjykatë bëhet fjalë, të gjitha gjykatat janë evakuuar, objektet janë duke u siguruar dhe inspektime kundër sabotuese”, ka konfirmuar zëdhënësja e Ministrisë së Punëve të Brendshme, KS Mersiha Novaliç.

Mediat vendase bëjnë me dije se ende nuk është identifikuar personi që bëri telefonatën që ngriti alarmin në gjykatat e vendit.

LEXONI GJITHASHTU:

• “Taksoni të pasurit”- propozimi i 130 deputetëve të PE-së për barazi sociale
• Kurti i përgjigjet Lajçak: Suksesi i marrëveshjes nuk varet nga unë