Borrell: BE dhe SHBA kanë bashkëpunim të mirë për dialogun Kosovë-Serbi

Bashkimi Evropian dhe Shtetet e Bashkuara të Amerikës bashkëpunojnë mirë, sidomos kur është fjala për dialogun mes Kosovës dhe Serbisë.

Kështu u shpreh përfaqësuesi i lartë për Politikë të jashtme dhe Siguri, Josep Borell, shkruan Euronews Serbia.

Duke iu përgjigjur pyetjeve të deputetëve evropianë në Strasburg, ai theksoi se ky bashkëpunim është veçanërisht i rëndësishëm kur bëhet fjalë për zgjidhjen e problemeve ndërmjet dy palëve.

“Ne mund ta bëjmë këtë së bashku me SHBA-në, pse jo, ne bashkëpunojmë jashtëzakonisht mirë me ta në dialogun ndërmjet Kosovës dhe Serbisë, në mënyrë shumë efektive, ashtu ishte edhe në rastin e Maqedonisë. Këtë mund ta bëjmë edhe në rastin e Malit të Zi. , por tani po punohet për koordinim që përfshin luftën kundër dezinformatave. Nuk ka ende ndërmjetësim të përbashkët mes SHBA-së dhe BE-së, por shfrytëzoj rastin të theksoj se sa e rëndësishme është në rastin e Serbisë dhe Kosovës”, nënvizoi ai.

LEXONI GJITHASHTU

• Osmani për takimin Kurti-Vuçiç: Pres që ndërkombëtarët t’i bëjnë presion Serbisë
• Takimi në Ohër, Kurti: Po shqyrtojmë 15 modelet e ofruara për asociacionin