Margariti-Zhupës: Kemi transformuar zonat më të turpshme në pika turistike

Ministrja e Kulturës, Elva Margariti iu përgjigj në interpelancë në seancën e Kuvendit të kësaj të enjteje, deputetes së PD-së, Ina Zhupa.

Ajo tha se është falënderuese kur përdoren artifica për të sjellë kulturën në vëmendje, në foltoren e parlamentit.

“Pse duhet të zgjedhim për fëmijët tanë që të jetojnë brenda rrënojave.” Ishte kjo deklarata e Margaritit që solli kërkesën për interpelancë nga Zhupa.

Në përgjigje, ministrja zgjodhi të përmendë fundjavat në Korçë, vizitat në qendrën historike në Vlorë, ngjitjet nëpër sokakët e Gjirokastrës e Krujës apo mbledhjet me miqtë në pazarin e Tiranës.

“Harrojmë se pikërisht këto janë dhe hapësirat që kanë qenë zonat më të turpshme të qyteteve tona, ngarkuar me baltë e baraka duke fshehur pas harresës edhe vetë trashëgiminë kulturore dhe nuk bëhet fjalë për zona perfikerike, por zona në zemër të qyteteve,” – u shpreh Margariti.

Në kërkesën e saj, Zhupa tha se prej mungesës së vëmendjes kanë degraduar monumentet e trashëgimisë kulturore dhe sipas saj, industria e ndërtimit po dëmton pasurinë kulturore të shqiptarëve.

LEXONI GJITHASHTU:

• Deklarata e Margaritit, Zhupa: Në vend tjetër do shkarkoheshe, as nuk do jetoje dot
• “Ngrini komisionin sot”- Zhupa debat me Ballën. Socialisti: Po intimidoni drejtësinë