“2022-shi vit i suksesshëm”, Varhelyi: Kërkojmë më shumë

Komisioneri europian Oliver Varhelyi tha se dëshirojnë që Shqipëria të jetë pjesë e Bashkimit Europian sa më shpejtë.

Gjatë fjalës së tij në konferencën e përbashkët me Edi Ramën dhe Joseph Borrell, zyrtari i lartë i BE-së tha se viti i kaluar ka qenë shumë i suksesshëm për vendin tonë.

“Nisët konferencën e parë ndërqeveritare, nisëm të ashtuquajturin proces të shqyrtimit analitik të legjislacionit që na çon tek negociatat mjaft specifike dhe të detajuara të anëtarësimit dhe po kështu ramë dakord se vitin e kaluar nuk u humb kohë. Reformat ecën me ritëm dhe natyrisht Komisioni Europian është këtu për të kërkuar më shumë,” – u shpreh Varhelyi.

Sipas tij nëse gjithçka shkon mirë ky vit mund të jetë edhe më i suksesshëm, duke qenë se nga progresi i Shqipërisë përfitojnë të dyja palët.

Për më shumë ndiqni videon: 

LEXONI GJITHASHTU:

• Borrell: Ramë dakord, qeveria do të tërhiqet nga pasaportat e arta
• Rama: Nuk do të ketë më zyrtarë që do të kenë lidhje me prokurimet publike