Të premten hidhet shorti, 3 skuadra italiane mes 8 më të mirave në Champions

Reali i Madridit dhe Napoli janë dy skuadrat e fundit çerekfinaliste në Champions League duket plotësuar kështu tetëshen. Madrilenët zhvilluan një ndeshje të mirë në shtëpi, me një Liverpul pa ide dhe shumë larg ndeshjeve që zhvillon në kampionat.

Të besuarit e Klop besonin në një përmbysje ndaj Realit në Benabeu, por diçka e tillë nuk ndodhi, ku anglezët nuk arritën të shënojnë dot asnjë gol. Përballja u mbyll me fitoren minimale të spanjollëve, ndërsa goli u shënua nga i përhershmi Benzema, i cili u shpall dhe lojtari i ndeshjes.

Në stadiumin Diego Armando Maradona, Napoli dhuroi spektakël para tifozëve të tij, por njëkohësisht u konfirmua një skuadër me karakter fituesi. Plot 7 përballje janë fituar nga napoletanët në këtë sezon të Champions, ndërsa 8 ka vetëm Bayerni i Mynihut.

Ndeshja ndaj gjermanëve nuk u vendos aspak në dyshim, me skuadrën e Spaletit e cila dominoi plotësisht ndërsa gjeti 3 herë rrugën e rrjetës me një dy golësh të Osimhen dhe Zielinski. Gjermanët ishin të pafuqishëm, duke mos shënuar dot asnjë gol në të dyja përballjet.

Ditë ne premte zhvillohet shorti për fazën çerekfinale, ku skuadrat pjesëmarrëse janë Bayerni, Reali, Manchester City, Chelsea, Napoli, Benfica, Inter dhe Milan.

LEXONI GJITHASHTU

• Haaland arrin rekordin e Messit
• Ibrahimoviç drejt rekordit historik, rikthehet në kombëtare 41-vjeç