Osmani: Shpresë nga takimi në Ohër, Serbia mos të pengojë procesin e dialogut

Presidentja e Kosovës Vjosa Osmani ka dalë në një deklaratë të përbashkët për mediat me të dërguarin e Posaçëm për Ballkanin Perëndimor, Gabriel Escobar.

Ajo tha se do të vazhdojnë përkushtimin për dialogun, ndërsa theksoi se kanë shpresa nga takimi i ditës së nesërme në Ohër mes Prishtinës dhe Beogradit.

Osmani bëri thirrje që Serbia të mos pengojë dialogun, ndërsa tregoi dhe rezultatet që do të sjellë marrëveshja mes dy vendeve.

“Vizita e Escobar sot krahas angazhimit disa mujor nga Kosova dhe partnerët ndërkombëtar rikonfirmon përkushtimin tonë të përbashkët për të bërë proces në dialog. Do vazhdojmë përkushtimin në dialog, sidomos tani duke kuptuar rëndësinë e takimit në Ohër.

Besojmë se një marrëveshje e drejt e qëndrueshme dhe gjithpërfshirëse ku trajtohemi si dy shtete të barabarta është e vetmja mënyrë për të siguruar paqe. Kosova shkon drejt Ohrit me këtë mendësi dhe me shpresë për rezultat pozitiv. Çdo pengesë nga Serbia do të pengojë procesin. Marrëveshja do të sjellë rezultate të prekshme për Kosovës, integrimin në vendet euroantlantike, kjo marrëveshje përfshin parime të rëndësishme të së drejtës ndërkombëtare dhe marrëdhënieve ndërkombëtare që do të shtrojnë rrugën drejt njohjes reciproke”- tha ajo

LEXONI GJITHASHTU: 

• Qarkullonte me armë zjarri në makinë, arrestohet 41-vjeçari në Kamëz
• Tërmetet në Turqi u shkaktuan me pajisje? Argumenti i studiuesit për zonën sizmike